وفد الكرة الطائرة يلتقي منتخب لبنان للسيدات قبل ساعات من الدور نصف النهائي
قبيل مباراة لبنان والامارات العربية المتحدة في اطار الدور نصف النهائي لبطولة غرب آسيا للسيدات في الكرة الطائرة، التقى رئيس اللجنة الخماسية الممكلفة تسيير شؤون الكرة الطائرة ميشال ابي رميا ومقرر اللجنة وليد القاصوف بالبعثة اللبنانية بحضور رئيس مصلحة الرياضة في وزارة الشباب والرياضة محمد عويدات ورئيس البعثة المهندس علي خليفة والاداري الدكتور ايلي موسى والمدربين الوطنيين جوني اللقيس وايلي النار ولاعبات المنتخب.والقى ابي رميا كلمة جاء فيها:
يعطيكن الف عافية بمجرد وصولكم لهيدي ألمرحلة أكبر انجاز مع انو كلنا اكيدين راح نرجع والكاس معنا بعد ما شفنا هالطاقات العظيمة اللي بتتمتعو فيا
بدي قلا سلاماتا لميرييلا وكلنا معك وحدّك للآخر وحتى ترجعي انشالله احسن من. بعرف تركتي فراغ كبير بس الصبايا والمدربين راح يعبو هالفراغ الكبير
بدنا تشكر المدربين جوني وايلي والمعالج الفيزيائي ماتيو على كل شي تعبو معكم لوصلتو لهل المرحلة.
بدنا نشكر رئيس البعثة المهندس علي والدكتور ايلي على كل جهودن
بدنا نشكر الأستاذ محمد عويدات رييس مصلحة الشباب في وزارة الشباب والرياضة اللي حب يرافقتا ليواكبنا ونحتفل سوا بالانتصار
الشكر أيضا للاستاذ وليد اللي كان الو الفضل الكبير لتشاركو بالبطولة
وبدنا نشكر الأعضاء السابقين ناجي باسيل وعساف مهنا وخليل الكفوري يللي اجو كمانا ليشجعوكن ويكونوا حدكن.
الشكر لرجال الصحافة والاعلام على كل جهودن.
لبنان كلو عم يحكي فيكن انتو الدم الجديد والأمل المنتظر لهيدي اللعبة يللي منحبا كلنا.
الكاس النا والنصر حليفنا والمباراة ضد الامارات راح يكون هدية لاستقلال لبنان والاربعاء راح ناخد كاس البطولة هدية لكل لبنان لكل اللي بحبو هيدي اللعبة ولنقول لعبة الكرة الطائرة بعدا قوية رغم كل العواصف وبوج كل اللي حاربوها واكيد بعد الانتصار راح نحتفل هون وبلبنان وشكرا كتير الكن جميعا.
