اعلامية ترد… دولتك مين بدك نحاسب لنحاسب ولو حاسبنا .. دولتك ما فيكن تحموا الفساد وتقولولنا تحركوا
بعد التغريدة التي اطلقها دولة الرئيس العماد ميشال عون على تويتر التي اعتبر فيها ان الشعب لا يريد مواجهة الفساد ردت الاعلامية ميسم حمزة على صفحتها على مواقع التواصل الاجتماعي ووجهت انتقادا الى الدولة حمل العديد من الحقائق وجاءت رسالتها الى الرئيس على الشكل التالي:
دولة الرئيس بدك نحنا الشعب نحل ازمات لبنان ونحل الفساد ونحاربو؟؟
دولة الرئيس برأيك هل ازمات لو ضوينا عليها كم معني بهل البلد رح يتحاسب
دولة الرئيس اذا في بالدولة موظفين بياخدو معاشات من جيوبنا وهني ببيوتن برأيك قادرين نحاسبهم؟؟
دولة الرئيس موظف سكة الحديد طيب هيدا انسوا نحنا المواطنين يعني اي سكة حديد عم بيشغلها ؟؟
دولة الرئيس في وزارة بي لبنان عنوانها محاسبة الفساد كسروا عيني وعطوني اسم واحد بس واحد تحاسب بالفساد بلبنان
دولة الرئيس في البور بلبنان حدا بيعرفو اي هونيك مطرح ما السفن فايتة طالعة دولتك هونيك بتجي القطعة من برا بدولار بتفوت على لبنان بي 40 دولار وخمسين دولار، هيدا غير كل واحد شو عم بيفوت على جيبتو ويا ربي لو بدنا نحكي شو بيصير
دولة الرئيس بدك بعد فساد نحنا الشعب نحكي عنو او منسكت
لبنان قطعة فساد وسرقات ومافيا
لبنان بلد بدو حرق من اولو لاخرو
بس بتعرف دولتك الحق على الشعب بهاي انا ببصم
لان اللبناني ساكت لانو بالنهاية لاحق تسييس واخر همو حالو وعيلتو وولادو لي ما رح يشوفو يوم متل الخلق بلبنان
دولتك نحنا منموت على باب المستشفيات ومننزل ومنندعس لنعيش بكرامة
دولتك بتعرف انو معاشاتنا نحنا المواطنين ما بيجيبو اجار بيت بقطعة السما لي عم بتفاخروا فيها
واكتر من هيك دولتك نحنا ما منسترجي نفتح تمنا لان في كل حوت بهل البلد بدو حلم لحتى تواجهوا
وبالاخر بتقولولنا حاسبوا
شو بدنا نحاسب لنحاسب ومين بدنا نحاسب لنحاسب
بدنا نحاسب الكل؟؟ والكل يعني الكل!!!!

فمبروك على اللبناني كل هذا الفساد ، شعب يستحق اكثر من هذا بكثير
مبروك عليكم الموت وانتم على قيد الحياة
مبروك عليكم انكم في وطنكم لم ولن تعاملوا كبشر
عما تريدون التحدث
عن التلوث بالبحر لي طمروا الزبالة فيه وصرت تسبح معها ؟؟ او عن الكهرباء لي انجق بتجي؟؟ او عن الزبالة لي على الطرقات والروايح لي بتقرف؟؟؟ او يمكن عن الغلاء بي لبنان لي صار بسبب الاسعار من لبنان من اكتر البلاد غلا بالعالم ؟؟ برأيي ما حدا يقول عن لبنان يا قطعة سما بيشرفك السائح شو بدو يجي يعمل ببلد ما في شي ظابط يعني روحو شوفو تركيا وين صارت!! او دبي روحوا شوفوا دبي!!! وك حتى بمصر ما في هيك متل لبنان!!! حتى سوريا لي خربانة و الحرب انهكتها بعدك ما شفت الزبالة متل لبنان فيها وحتى ما عندن الكهرباء متلنا ….
#العمادميشال عون